andainas de infantil

Estes días, pese aos virus que andan rondando as nosas clases, seguimos a experimentar coas cores, as letras e os números. Tamén tomamos contacto co Bee Bot!! Un robot que segue as nosas ordes (e iso nos gustou moito ;)

Aproveitamos os animais que tanto nos gustan para comezar a establecer relacións de cantidade con eles e ir pouquiño a pouco asociándoo coas grafías dos números...

Continuamos tamén cos traballos do outono e os seus fenómenos meteorolóxicos, algo que puidemos comprobar por nós mesmos con estes días de tanta chuvia...

E para rematar estes días tan intensos... comezamos a investigar no novo proxecto... VIAXAMOS AOS POLOS! Un percorrido que nos permitirá ir descubrindo eses novos lugares, a súa fauna e flora... e moitas cousas máis que irán xurdindo dos/as peques!!

Aquí os tedes tomando os primeiros contactos, tentando descubrir como bos e boas exploradores/as uns animaliños procedentes dos polos que estaban ben escondidos no xeo... qué serán??