BENVIDOS E BENVIDAS AO CURSO 2023/24!
Ola a todos/as! Xa estamos por aquí de novo pero un pouquiño máis maiores! Como o curso pasado trataremos de ir achegándovos a través deste blog imaxes do noso día a día na clase de 4 anos.
Para comezar aquí tedes unhas fotiños dos primeiros días nas nosas clases! Houbo tempo para todo: reencontrarnos, falar, xogar, descubrir xogos e xoguetes novos, recordar cousiñas aprendidas o curso pasado e limpar o noso horto xunto cos/as compis de 4º de E. Primaria e a súa profe Rosalía. A semana que vén xa poderemos sementar!
Logo destes primeiros días, como xa sabedes empezamos a investigar sobre as uvas e a vendima. Aproveitamos para ver cómo son as uvas por dentro, tocamos a súa pel, a polpa e buscamos as sementes. Este mércores vendimamos coa axuda das familias que nos puideron acompañar e... que ben o pasamos! Por último, onte fixemos plastilina caseira de uvas. Mirade estas fotiños a modo de resumo!
Ningún comentario:
Publicar un comentario
Anímate e comenta esta entrada